給外母大人的信 - 笑話集錦 - 頂客論壇 ,免費遊戲,免費交友,免費空間,免費部落格,免費相簿,免費開店 - 頂客社區 dk101.com 最用心的華人社群網站
發新話題

[轉貼] 給外母大人的信

給外母大人的信

外母大人膝下:
無錯,我就係你的女婿,即係你成日話奀佻鬼命,死蠢夾阻碇o個個。本來,我都無諗住寫呢封信畀你?的,因為,識你咁耐,你唯一有心機睇ge,就只有麻雀台上ge十三隻牌。其他世界上ge任何野,同你講起,都只見你老僧入定眼。上次問你有無睇過個套戲鐵達尼,你問我係咪即係獨臂神尼;我問你欣唔欣賞奧巴馬,你又問我佢係邊個練馬師?馬。
我已經徹底投降啦。
我依家先知,點解外父會咁少同你傾偈,原因係佢都搵唔到任何你可以答到嘴話題,咁又點傾呢?
不過,我經過左思右想,決定都係要寫呢封信畀你,原因就等如一個消費者,對出品廠件貨唔滿意,咁第一時間梗係向間製造商投訴啦。
無錯,我講緊ge個件貨,就係你個寶貝女啦,我稱呼佢做一件貨,其實只係打個比喻,並無貶意,雖然,佢ge體形,的確已經似一件貨多過一個人,我最近call的士個陣,都有猶疑左一陣,諗咁我應唔應該改為call吊雞車仲好。
仲記得第一次我跟佢返屋企見你地,我開玩笑咁問佢第時會唔會變成佢阿媽咁樣?佢猛咁話唔會,我依家先知,原來佢係變成左佢阿爸咁ge樣。
信不信由你,有好幾次我班同事撞過我地行街,第二日都分別問我「個個肥佬係咪你阿爸呀?」我馬上擰轉面笑左一陣,跟住又喊左一陣。笑,係因為真係幾好笑;喊,係因為我竟然娶左一個好似我阿爸ge人,唔知呢樣野可唔可以申請入健力士紀錄大全呢?
當然,「貨物出門,恕不退換」呢個道理我係明加,而且當日你問我考慮清楚未,我都好肯定咁話,「我考慮清楚」。不過,你都唔可以怪晒我,我實在無諗過你個女係結婚前同結婚後,可以爭咁遠,打個比喻,我本來諗住買件皮褸,點知著完一次之後,佢變成一件T shirt,咁試問我又點忍落去呢?
不過,我係一個有始有終ge男人,我寫呢封信畀你,都唔係要將佢送番畀你,我只係希望,你可唔可以盡下綿力,或者盡下一個媽媽ge責任,幫我搞番掂佢?以下,就係我想你幫我做ge事。
(一)請訓練佢唔好係五分鐘內,食晒台上ge食物,有時,我連今餐有乜送都未睇清,就已經入晒佢個肚度,我唔見左你送畀我個兩隻寫住「萬壽無疆」ge碗,我懷疑係佢食快得滯,唔覺意食埋都唔定。
(二)佢ge鼻鼾聲大過一隊交響樂團,我晚晚訓覺都好似係大會堂睇show咁,如果可以的話,你可唔可以勸佢去搵個醫生幫佢,我怕我遲早患上睡眠窒息症,不過係佢睡眠,我窒息死。
最後,請唔好將我寫信畀你呢件事話畀你個女知,因為,佢最近無學插花,改為學跆拳道,如果佢知道左,我可能會上報紙頭版.

轉載自東週刊「梁心話」專欄

TOP

發新話題

本站所有圖文均屬網友發表,僅代表作者的觀點與本站無關,如有侵權請通知版主會盡快刪除。